துளி - க் - கடல்



கசிந்துருகும் சுனை நீராய் - மழலை





அணிதிரண்டு உருண்டோடிடும்  - பிள்ளைப் பருவம்



அடிபுரண்டு அருவியாய் நீண்டு
பேரிசை முழக்கத்தோடு 
திருவிழா காணும் - இளமை

தறிகெட்டுத் திரிந்து
தத்தளித்து..
தன் பாதை கண்ட பின்
பண்  பாடிடும் பக்குவ - மத்திமை

மெல்லிசை பாடி வழிந்தோடி
பாறையிடத்து வளைந்தோடிடும் - முதுமை

மௌனப் பயணியாய் கடல் சேர்ந்து..

பேரிருப்பில் வீடற்று..பேரற்று..பெரு(ம்)ங் - கடல்நீராய்  வீடுபேறு. 

****