காலமற்ற வெளி - முதல் கலந்துரையாடல் - 22.02.2020

#காலமற்றவெளி யின் முதல் கலந்துரையாடல் கூட்டம் எங்களின் குருநாதர் பாலு மகேந்திரா நூலகத்தில் நடக்கயிருப்பது மகிழ்ச்சி. எழுத்தாளர் அஜயன் பாலா நடத்தி வரும் இந்நூலகத்தை புது இடத்தில் கட்டமைத்திருக்கிறார் எங்கள் இயக்குநர் வெற்றிமாறன். இப்புத்தகத்தினூடாக திரைப்படங்கள், திரைப்பட மேதைகள், வாழ்வானுபவங்கள் என பகிர்ந்து கொள்ள இருக்கிறோம். மதிப்பிற்குரிய இயக்குநர் அம்ஷன்குமார், திரைக்கதையாளர் ஆனந்த் குமரேசன், பத்திரிகையாளர் உமா சக்தி, பேராசிரியர்
ச.பழனியப்பன் இயக்குநர் அஜயன் பாலா மற்றும் பதிப்பாளர் வேடியப்பன் ஆகியோரோடு கலந்துரையாடலாம். அனைவரும் வருக.

a whole.

நிரபராதிகளின் காலம்

'நாலு பேருக்கு நல்லதுன்னா எதுவுமே தப்பில்ல ?!'

ஸீக்ஃப்ரீட் லென்ஸ் என்னும் ஜெர்மன் எழுத்தாளர் நாடகாசிரியர் இரண்டாம் உலகப் போர் சமயத்தில் இட்லரின் இனப்படுகொலையை கண்டும் காணாதது போல் கடந்து போன ஜெர்மன் குடிமகக்கள் ஒவ்வொருவரின் மனசாட்சியை சீண்டும் விதமாக பல படைப்புகளை எழுதியவர்.

'நிரபராதிகளின் காலம்' என்கிற இந்நாடகத்தில் அவரெழுப்பும் இரு கேள்விகள் :

1. பொதுக் குற்றம் என்று ஒன்று உள்ளதா ?

2. ஒரு குற்றம் நடக்க வேண்டும் என்று ஒருவன் மனதால் விரும்பி, அவ்வாறான குற்றம் நிகழும்போது, அதில் நேரடியாக எந்தப் பங்கும் கொள்ளாத ஒருவன் குற்றவாளியா, இல்லையா ?

மனிதன் எந்தச் சூழலில் குற்றவாளி ஆகிறான். தனிமனிதக் குற்றம் அல்லது சமூகத்திற்கே பொதுவான பொதுக் குற்றம் (Collective Guilt) எவ்வாறு தோன்றிச் செயல்படுகிறது என்பதே லென்ஸ் படைப்புகளின் பொதுப்பன்பு என்கிறார்
மெழிபெயர்ப்பாளர் ஜி. கிருஷ்ணமூர்த்தி .

சர்வாதிகார ஆட்சியின் குற்றங்களுக்கும் சாமானியர்களுக்கும் எவ்வாறான தவிர்க்க முடியாத தொடர்புகள் ஏற்படுகின்றன, அந்நிலையில் அவர்கள் எந்த அளவுக்கு தாங்களாகவே முன்வந்து சர்வாதிகாரத்துடன் ஒத்துழைக்கிறார்கள் போன்றவற்றை அலசுகிறார் லென்ஸ். இடம் காலம் பற்றிய குறிப்புகள் ஏதுமில்லாத இந்நாடகம் எக்காலத்திற்கும் எல்லா நாடுகளுக்கும் ஒவ்வொரு தனி மனிதருக்கும் பொருந்தும்.

காலமற்ற வெளி - தமிழ் இந்து

#காலமற்றவெளி

இன்றைய 'தமிழ் இந்து' வில் கவணிக்க வேண்டிய ஐந்து புத்தகங்களில் ஒன்றாக 'காலமற்ற வெளி'. மகிழ்ச்சி.

காலமற்ற வெளி

காலமற்றவெளி - பாரதிராஜா, வெற்றிமாறன், சொர்ணவேல்

'காலமற்ற வெளி' உள்ளிட்ட பதினைந்து புத்தகங்கள் சென்னை புத்தகக் காட்சியில் வெளியீடு . நன்றி இயக்குநர் அம்ஷன்குமார், பேராசிரியர் சொர்ணவேல் ஈஸ்வரன்,  எழுத்தாளர்கள் சா. கந்தசாமி, இந்திரன், சித்துராஜ் பொன்ராஜ், கரன் கார்க்கி மற்றும் பாஸ்கர் சக்தி, லஷ்மி சரவணக்குமார், அகர முதல்வன், ஒளிப்பதிவாளர் ரூபன், இயக்குநர் அகத்தியன், வெற்றிமாறன்.


அருமையான தலைப்பு. உலக சினிமாவைப் பற்றி பேசுவதோடு என் சக நண்பர்கள் பாலு மற்றும் மகேந்திரன் பற்றிய நினைவுகளைத் தூண்டுகிறது. சினிமா சார்ந்த முக்கியமான ஆவணம் இப்புத்தகம்.

- பாரதிராஜா

***

ஒரு சமூகத்தில் கலைகளுக்கு இணையான தேவை கலை விமர்சனங்களுக்கும் திறனாய்வுகளுக்கும் இருக்கின்றது. சினிமா என்னும் இக்கலை வடிவமும் அதன் ஆரம்ப காலத்திலிருந்து அத்தகைய ஆளுமைகளால் தொடர்ந்து விமர்சிக்கப்பட்டும் ஆழமாக திறனாய்ந்தும் வளர்ந்தது தான். ப்ரான்ஸில் புதிய அலை (New Wave), இத்தாலியில் நியோ ரியலிஸம் (Neo - Realism ), ப்ரெஸிலில் சினிமா நோவோ (Cinema Novo), கனடாவில் சினிமா வெரைட் (Cinema Verite), என்று ஒவ்வொரு பிராந்தியத்திலும் அம்மக்களுக்கும் நிலத்திற்கும் சூழலுக்கும் தக்கவாறு கோட்பாடுகள் உருவாயின. அக்கோட்பாடுகளை கட்டமைத்த திறனாய்வாளர்களே (Critics) பிறகு சிறந்த திரைப்பட மேதைகளாகவும் விளங்கினர். ஐசன்ஸ்டீன், Dziga vertov, ஆந்த்ரே பேசின், த்ரூபா போன்ற கலைஞர்கள் அப்படி உருவானவர்களே.

தமிழ்த்திரைப்படச் சூழலில் திரைப்பட அவதானிப்பை கல்விக்கூடங்களில் பாடமாக்க வேண்டும் எனத் தொடர்ந்து வலியுறுத்தி வந்த எங்கள் குருநாதர் பாலு மகேந்திராவின் மாணவர்களில் ஒருவரும் என்னுடன் உதவி இயக்குனராகவும் பணியாற்றியுள்ள மருதன் பசுபதி எழுதியிருக்கும் 'காலமற்ற வெளி' என்னும் இத்தொகுப்பு முக்கியமானது.

- வெற்றிமாறன்.

***

பாலு மகேந்திரக்காலம் என்று சொல்லப்படக்கூடிய தற்காலத்தில் அவரது பட்டறையில் பயின்ற இயக்குனர்களான பாலா, வெற்றிமாறன், ராம், மற்றும் சீனு ராமசாமி போன்றோர்களின் இந்த யுகத்தில் Marudhan Pasupathi மருதன் பசுபதியவர்களின் இந்த அருமையான சினிமாவைப் பற்றிய ஆழந்த சிந்தனைகள் நிறைந்த இக்கட்டுரைகளின் தொகுப்பு ‘காலமற்ற வெளி’ மனதிற்கினிய வரவு. ஏனென்றால் இப்புத்தகம் பாலு அவர்களின் ஒளிப்பதிவு/ இயக்கத்தின் உந்துசக்தியாக இருந்த அவரது கலையாளுமையின் ஊற்றுவாயாக இருந்த சீரிய சினிமாவை பற்றிய ஈர்ப்புக்கும் அலசலுக்கும் இட்டுச்செல்கிறது. அந்த வகையில் அவருக்கு தனது மாணாக்கர்கள் அளிக்கும் அஞ்சலியில் இதுவே அணுக்கமானதாக இருக்கலாம்.

- சொர்ணவேல் ஈஸ்வரன்
இணைப் பேராசிரியர்
ஆங்கில மற்றும் ஊடகத்துறை
மிச்சிகன் மாநில பல்கலைக்கழகம்
USA.

சிங்கப்பூர் - திரைப்படம்

'சிங்கப்பூர்' திரைப்படம்

சிங்கப்பூர் என்றதும் பிரமிப்பும் பரவசமும் தானகவே தொற்றிக் கொள்ளும். 'Little red dot' என்று உலக வரைபடத்தில் இந்நிலப்பகுதியை குறிப்பிட்டு  இங்கிருந்து 190 நாடுகளுக்கு வீசா இன்றி பயனிக்கும் அந்தஸ்தை சாதாரனமாக அடைந்து விடவில்லை இந்நாடு. லீ க்வான் யூ என்னும் தனி மனிதர் 1965 ல் விதைத்த வைராக்கியத்தால் வளர்ந்த நாடு இது. எவ்வித இயற்கை சார்ந்த அனுகூலமும் வாய்க்கப்பெறாத போதும் பணத்தை விதைத்து பணத்தை வளர்த்து பணத்தை அறுவடை செய்து பெற்ற பேர் தான் சிங்கப்பூர்.

பல்லினக்குழு பல்லினக் கலாச்சாரம் இணைந்து இயங்கும் சிங்கையில் மனித வாழ்க்கை எவ்வாறு உள்ளது என்ற கேள்வியை தொடர்ந்த தேடலின் விளைவாய் ஒரு திரைப்படம் உருவானது.

ஒரு பயணியாய் இந்நாட்டை பார்த்த போது உணர்ந்ததை அங்கு வாழும் நண்பர்களுடன் எழுத்தாளர்களுடன் உரையாடிய போது புரிந்து கொண்டதை திரைக்கதையாக்கி இருக்கிறோம். மலாயர்கள் சீனர்கள் தமிழர்கள் என அந்நாட்டில் வாழ்பவர்களே நடித்திருக்கிறார்கள்.நேற்றுடன் படப்பிடிப்பு முடந்து அடுத்தகட்ட பணிக்கு ஆயத்தமாக இன்று தமிழ்நாடு திரும்புகிறோம்.

விரைவில் படத்தின் முன்னோட்டம்.

**

குறும்பட பயிற்சிப் பட்டறை

நடந்து முடிந்த குறும்பட பயிற்சிப் பட்டறையில் ஐந்தாம் நாள் மூன்று குறும்பட படபிடிப்பு மிகவும் வெற்றிகரமாகவும் திட்டமிட்டபடியும் அமைந்தது . பட்டறையில் பங்கெடுத்த ஐம்பது பேரின்  கதைக்கருவில்  மூன்றை இறுதியாக நானும் எடிட்டர் லெனின் சாரும் தேர்வுசெய்தோம்   கூட்டாளி, , கன்னிராசி மற்றும் வாட்ஸப். இதில் ஒன்றை நான் இயக்க மற்ற இரண்டு படங்களையும் இயக்க ஆள் தேடிய போது நினைவுக்கு வந்தவர்கள் இரண்டுபேர்  ஒருவர் மருதன் பசுபதி  பாலுமகேந்திரா மற்றும் வெற்றிமாறன் ஆகியோரிடம் பணிபுரிந்துவிட்டு இயக்குனராக முயற்சி செய்து வருபவர் . அவருடைய  பிரேக் டவுன் குறும்படம்  பாலுமகேந்திரா நூலகம் சார்பாக   திரையீடு செய்த ஒரே குறும்படத்தை இயக்கிய பெருமைகுரியவர் .   இன்னொருவர்  தரணி ராஜேந்திரன்  ஞானச்செருக்கு எனும் தன்னாட்சி திரைப்படம்  மூலம் பல  உலக திரைப்பட விழாக்களில் பங்கேற்ற நெருமைக்குரியவர் 
இவர்கள் இருவரும் என் அழைப்பை ஏற்று மறுநாளே வந்து பங்கேற்பாளர்களூடன்  ஒன்றாக் கலந்து  பயிற்றுவித்து படப்பிடிப்பிலும் அவர்களைன் சந்தேகங்களுக்கு பதில் சொல்லி  தங்கள் சொந்த  படம் போல  இயக்கி ஒரே நாளில்  இயக்கித் தந்த்னர் அவர்கள் இருவருக்கும் பாலு மகேந்திரா நூலகம் சார்பாக  என்  சிறப்பு நன்றிகள்.

- அஜயன் பாலா. ( August 18 FB)